गठबन्धनका नेताहरूको दावी जित सुनिश्चित भइसक्यो -गठबन्धनलाई बलियो बनाउनेतर्फ एकजुट

भक्तपुर/पाँच दलीय गठबन्धनका जिल्ला नेताहरूले भक्तपुरमा गठबन्धनबाट उमेद्वारी दिएका मेयरका, उपमेयर लगायत सम्पूर्ण उमेद्वार हरुको जित सुनिश्चित भइसकेको बताएका छन् ।नेकपा एकीकृत समाजवादी ले आयोजना गरेको एक जिल्ला स्थरिय चुनाबी छलफलमा नेपाली कांग्रेस, नेकपा माओवादी केन्द्र, जसपा र नेपालि काग्रेसबाट उमेद्वार भएको गठबन्धन उमेद्वारको जित सुनिश्चित भइसकेको बताएका हुन् ।

छलफलमा नेकपा एकीकृत समाजवादी सुनपा ९ का वडाध्यक्षका उमेद्वार दिलिप केसीले गठबन्धन एकढिक्का रहेको बताए । “हिजो अस्तिके थियो, के भयो त्यतातिर नजाऔं अबको सन्दर्भमा गठबन्धन एकढिक्का भएको छ,” उनले भने, “यो मञ्चमा सबै जिल्ला नेता उपस्थिति हुनुले नै जित निश्चित भइसकेको छ ।”

भक्तपुरका जिल्ला सुनपा नगर का उपमेयरका उमेद्वार श्याम सुन्दर बस्नेतले आफू कमजोर भएपछि विपक्षीहरूले गठबन्धनका विषयमा बाहिर विभिन्न हल्ला फिँजाएको बताए । उनले भक्तपुरम गठबन्धनको शानदार जित हुने दाबी गरे । “सुनापामा हामीले जिजिसक्यौं भन्दा हुन्छ, हाम्रो पक्षमा माहोल देखेर विपक्षीहरूले विभिन्न हल्ला फिँजाइरहेका छन् त्यसमा सबै सजग हुनुपर्छ,” बस्लेनेतले भने, “उखान टुक्काका भरमा देश चलाउँछु भन्नेहरूको सातो गइसकेको छ ।”

यता नेपा रामगोपाल चौकोठीले सुनपामा मेयर र उपमेयरमा क्रमस निसान ढुंगेल र बस्नेतको उम्मेदवारीले समुदायबीचको अन्तरघुलनलाई अझै बलियो बनाएको सुनाए । उनले थपे, “यो गठबन्धनले फरक फरक समुदायबीचको एकतासँगै अन्तरघुलनलाई थप मलजल गरेको छ ।

नेकपा एकीकृत समाजवादीका अर्का नेता कविराम थापाले यो गठबन्धन प्रदेश र संघीय निर्वाचनसम्मै रहने बताए । उनले दीर्घकालीन सोच र योजनाका साथ गठबन्धन गरिएकाले सबै इमान्दार हुनुपर्नेमा जोड दिए । “यो गठबन्धन स्थानीय तहसम्म मात्रै होइन प्रदेश र संघीय निर्वाचनसम्मै रहन्छ,” उनले थपे, “त्यसो भएकाले गठबन्धनप्रति सबै इमान्दार हुुनुपर्छ । यदि इमान्दार भइएन भने फेरि पनि एमालेको हातमा सत्ता जान्छ र मुलुक अस्थिरताको भुमरीमा फस्छ ।”
नेकपा एकीकृत समाजवादीका अन्य नेताहरुले आफूहरू गठबन्धनप्रति पूर्ण जिम्मेवार रहेको बताए । मुलुकलाई स्थायित्व र विकास र समृद्धिका लागि गठबन्धन भएकाले सबै इमान्दार हुनुपर्नेमा जोड दिए । उनिहारुले गठबन्धनका उम्मेदवार जिताउन समाजवादी लागिपरेको सुनाए । “केन्द्रको निर्णयलाई हामी पूर्ण रुपमा मान्छौं,” उनिहरुले एमालेले एउटै वडा जित्न नसक्ने जिकिर गरे । उनिहारुले अझै पनि समय भएकाले वडाहरूमा पनि तालमेल मिलाउनुपर्नेमा जोड दिए ।

गठबन्धनका तर्फबाट उपमेयरका उम्मेदवार बस्नेतले आफूले विभिन्न पेसा ब्यबसाय छाडेर समाजसेवामा लागेको बताए । मेयर र उपमेयर दुवैजना सुर्यविनायक बनाउने संकल्पसहित चुनावमा होमिएको प्रस्ट्याए । ठेक्कापट्टा गरेर उपभोक्ता ठग्नेहरू पनि चुनावमा उम्मेदवार बनेकाले सजग रहन उनले आग्रह गरे । “उपभोक्ता समिति गठन गरेर ठेक्कापट्टामार्फत ठगी गर्ने अनि ७ धुर जग्गालाई २ कठ्ठा बनाउनेहरू पनि मेयरमा उठेका छन्,” उनले भने, “यस्ता व्यक्ति नगरमा जितेर गए भने के गर्लान् ?”
उनले थपे गठबन्धनको शक्ति देखेर एमालेहरूको सातो गइसकेको बताए । केन्द्रको निर्णयभन्दा माथि कोही हुन नसक्ने बताउँदै बस्नेतले गठबन्धनलाई बलियो बनाउनेतर्फ आफूहरू लागिपरेको सुनाए ।