चितबनको भरतपुर महानगरपालिकामा गठबन्धन उम्मेदवार रेणुले बढाइन् मतान्तर, पछाडि परे विजय

भक्तपुर/चितबन भरतपुर महानगरपालिकाको सत्तारुढ गठबन्धनबाट मेयरमा नेकपा माओवादी केन्द्रकी उम्मेदवार रेणु दाहालले फराकिलो मतान्तरले अगाडि बढेकी छन्। बुधबार बिहान २६ हजार २५८ मत गणना हुँदा रेणुले ९ हजार ४४७ मत प्राप्त गरेकी छन्। एमालेका उम्मेदवार विजय सुवेदीले ८ हजार ५४ मत प्राप्त गरेका छन्। यस्तै स्वतन्त्र उम्मेदवार जगन्नाथ पौडेलले ४ हजार २६५ मत प्राप्त गरेका छन्। उपप्रमुखमा नेपाली कांग्रेसका चित्रसेन अधिकारीले ११ हजार २६५ र राप्रपाका हिमला गुरुङले ६ हजार ५७७ मत प्राप्त गरेकी छन्। भरतपुर महानगरपालिकामा एक लाख २७ हजार ८३९ मत खसेको छ।