सेयर बजारमा दोहोरो अंकको गिरावट ,३८ अंकले घट्यो,

१९ साउन २०७९

काठमाडौं : सेयर बजारमा दोहोरो अंकको गिरावट आएको छ। यसदिन नेप्से परिसूचक ३८.६१ अंकले घटेर २१४८.१६ विन्दुमा अडिएको छ।

यसदिन सेन्सेटिभ इन्डेक्स ८ अंक बढीले घटेर ४१२.२५ विन्दुमा झरेको छ।

नेप्से ओरालो लागेसँगै कारोबार रकम पनि बुधबारको तुलनामा घटेको छ। बुधबार २१८ कम्पनीको ९५ लाख ४२ हजार ६०७ कित्ता सेयर ४ अर्ब २ करोड ९९ लाख ४ हजार २५१ रुपैयाँमा खरिदबिक्री भएको थियो।

आज २१५ कम्पनीको ८५ लाख ६९ हजार ५ कित्ता सेयर ३ अर्ब ७६ करोड ८० लाख ७९ हजार १७३ रुपैयाँमा खरिदबिक्री भयो।

कारोबारमा आएका सबै समूहको सूचक नकारात्मक देखिएको छ।  ट्रेडिङ समूहको  सूचक सबैभन्दा बढी ५.१५ प्रतिशतले घट्यो।

दोहोरो अंकको गिरावट आएको सेयर बजारमा बलेफी हाइड्रो पावरको सेयर मूल्य ९.९८ प्रतिशतले बढ्यो।

कारोबार रकमका आधारमा शिवम् सिमेन्ट्स अग्रस्थानमा रह्यो। सो कम्पनीको २५ करोड २२ लाख रुपैयाँ बराबरको सेयर कारोबार भयो।