पर्यटनमन्त्रीलाई ‘लाइन नमिच्न’ आग्रह गर्दा सुरक्षागार्ड पक्राउ

काठमाडौं/व्यक्तिगत कामका लागि ठमेलस्थित छाँयासेन्टर पुगेका संस्कृत पर्यटन तथा नागरिक उड्डयानमन्त्री जीवनराम श्रेष्ठलाई लाइन नमिच्न आग्रह गर्दा एक सुरक्षागार्ड पक्राउ परेका छन् ।
भिसाका लागि बायोमेट्रिक विवरण दिन पुगेका मन्त्री श्रेष्ठलाई लाइनमा बसिदिन आग्रह गर्दा सुरक्षागार्ड शेरजंग गुरुङ पक्राउ परेका हुन्।
प्रहरी परीसर काठमाडौंका प्रवक्ता दिनेश मैनालीका अनुसार सुरक्षागार्ड गुरुङलाई नियन्त्रणमा लिइएको हो ।

मन्त्री सचिवालयका अनुसार मन्त्री श्रेष्ठ पहिलेनै खबर गरेर छाँयासेन्टर पुगेका थिए । मन्त्री हुनुहुन्छ भन्दाभन्दै गुरुङले जो भएपनि लाइनमा बस्नुपर्छ भनेपछि विवाद उत्पन्न भएको थियो। त्यसपछि उनलाई पक्राउ गरिएको हो। गुरुङलाई अभद्र व्यवहारमा मुद्धा चलाउने तयारी छ ।