रुसले २०२४ को युरो कप पनि खेल्न नपाउने

रुसले सन् २०२४ मा हुने युरो कप फुटबल खेल्न नपाउने भएको छ ।

युरोपियन फुटबलको सर्वोच निकाय यूईएफएले रुसलाई युरो २०२४ को छनोटमै सहभागी नगराउने पुष्टी गरेको हो ।गत फेब्रुअरी रुसले युक्रेनमा हमला गरेपछि रुसलाई फिफा र यूईएफएको प्रतियोगितामा भाग लिन बञ्चित गरिएको थियो ।

जुलाईमा रुसले यस विषयमा कोर्ट अफ आर्बिटेसमा अपिल गरे पनि खारेज भएको थियो । युईएफए अध्यक्ष अलेजान्डर सेफेरिनले यूईएफएको निर्णयलाई पुष्टी गर्दै अर्को सूचना नआएसम्मका लागि रुसको राष्ट्रिय टिम र क्लबलाई निलम्बनमा राख्ने निर्णय यथावत रहेने बताए ।
फेब्रुअरीमा रुसलाई निलम्बन गरेपछि फिफाले २०२२ को विश्वकप छनोटको प्लेअफ खेल्नबाट बञ्चित गरेको थियो ।