अन्तर्राष्ट्रिय मानव बेचबिखन विरुद्ध दिवसको अवसरमा विश्व सेवा विस्तार संस्थाको अन्तरक्रिया कार्यक्रम सम्पन्न

भक्तपुर । अन्तराष्ट्रिय मानव बेचबिखन विरुद्ध दिवसको अवसरमा ” एउटै लक्ष्य एउटै सार, मानव बेचविखनको अन्त्य हाम्रो साझा सरोकार” भन्ने नाराका साथ् विश्व सेवा बिस्तार संस्थाले विभिन्न कार्यक्रम गरी मनाएको छ ।

आईतबार मध्यपुर थिमी नगरपालिका – १ मनोहरा सुकुम्बासी टोलमा विश्व सेवा बिस्तार संस्था नेपाल र प्रहरी प्रभाग सानोठिमी भक्तपुरको संयुक्त प्रयासमा प्रगतिनगर समग्र विकास सहयोग समाज सामुदायिक भवनमा सम्पन्न सचेतनामुलक अन्तरक्रिया कार्यक्रममा महानगरीय प्रहरी वृत ठिमीकि वरिष्ठ प्रहरी सहायक निरीक्षक एकता न्यौपानेले मानव बेचबिखन सम्बन्धी महत्वपूर्ण जानकारी हरु प्रस्तुत गर्नुभएको थियो ।

संस्थाको कार्यकारी अधिकृत सविना श्रेष्ठ र प्रहरी प्रभाग सानोठिमीका बरिस्ठ प्रहरी सहायक निरिक्षक रमेश राईको संयोजकत्वमा सम्पन्न भएको कार्यक्रममा संस्थाका सहायक कार्यक्रम संयोजक स्यानोन तामाङले संस्थाको परिचय दिनुभएको थियो ।

५० भन्दा बढी स्थानिय बासिन्दाहरुको सहभागिता रहेको उक्त कार्यक्रममा संस्थाका प्रशासकिय अधिकारी विजय श्रेष्ठले कार्यक्रम समापन तथा धन्यवाद ज्ञापन व्यक्त गर्नुभएको थियो ।