आज:
२०८२ भाद्र ३१, मंगलबार
भक्तपुर। भ्रष्टाचार विरोधी अभियन्ता हेम पाठकले देशमा भ्रष्टाचार यही रफ्तारमा अघि बढ्ने हो भने नेपाललाई अल्बानिया हुनबाट कसैले पनि बचाउन नसक्ने बताएका छन्।
बुधबार नेपाल प्रेस सोसाइटीले सूर्यविनायकमा आयोजना गरेको “भ्रष्टाचार विरोधी अभियन्ता हेम पाठकसँगको साक्षात्कार कार्यक्रम” बोल्दै उनले भने, “कुनै बेला पुर्बी युरोपमा अवस्थित अल्बानिया भन्ने देश विकसित थियो, पछि त्यहाँका शासकले विचौलियासँग मिलेर देशलाई भ्रष्टाचारमा चुर्लुम्म डुबाएका कारण उक्त देश अन्धकारमा धकेलिएको छ।” उनले कुनै पनि देशको सरकारले विचौलिया र माफियाहरूसँग मिलेर उनीहरूलाई लाभ हुने निर्णय सरकारबाट गराउँदै जान्छ भने त्यो देशको हविगत ढिलो चाँडो अल्बानिया जस्तै हुने ठोकुवा गरे।
उनले विशेषगरी युवाहरूलाई भ्रष्टाचारविरोधी अभियानमा अगाडि आउन आग्रह गर्दै भने, “देशको भविष्य युवाहरूको हातमा छ। यदि आजको पुस्ताले भ्रष्टाचारविरुद्ध आवाज बुलन्द नगर्ने हो भने आगामी पुस्ताले हाम्रो असफलताको मूल्य चुकाउन बाध्य हुनेछ।”
पाठकले नेपालको वर्तमान अवस्थाप्रति चिन्ता व्यक्त गर्दै भ्रष्टाचारको गति यही हिसाबले अघि बढ्ने हो भने नेपाल ३ वर्षमा अल्बानिया हुने बताउँदै देशलाई भ्रष्टाचारको चंगुलबाट मुक्त गर्न युवा, नागरिक समाज र सरोकारवालाहरूले एकजुट भई अभियान चलाउनुपर्नेमा जोड दिए।
पाठकले नेपालको वर्तमान अवस्थामा सरकारले चालेका कदमहरूलाई आलोचना गर्दै भने, “हाम्रो देशमा पनि ठूला ठूला निर्णयहरू विचौलिया र माफियाका प्रभावमा हुँदै आएको देखिन्छ। यदि यो क्रम रोकिएन भने हामी अल्बानिया जस्तै भयावह स्थितिमा पुग्नेछौं।” उनले हालका सरकारी नीति र योजना धेरैजसो व्यक्तिको स्वार्थसँग गाँसिएको भन्दै यसले नेपाललाई अल्बानियाको मार्गतर्फ धकेल्न सक्छ भन्ने चिन्ता व्यक्त गरे।
कार्यक्रममा स्थानीय समाजसेवी, पत्रकार, शिक्षक, विद्यार्थी र सरोकारवाला लगायत अन्य व्यक्तित्वहरूको उल्लेख्य उपस्थिति थियो। सहभागीहरूले भ्रष्टाचार रोकथाममा राज्यको भूमिका कमजोर रहेको र नागरिक स्तरमा सशक्त अभियान सञ्चालन गर्नुपर्ने आवश्यकता औंल्याएका थिए ।
सोसाइटीको अध्यक्ष उपेन्द्र केसीको सभापतित्वमा सम्पन्न भएको कार्यक्रमको सञ्चालन अरुण महतले गरेका थिए।
स्रोतमा देखाइएको र जानकारी खुलाइएका बाहेक उज्यालो मा प्रकाशित सम्पूर्ण सामग्रीहरू समाचार हरु मदरल्याड सन्चार नेटवर्कका सम्पत्ति हुन् । हामिले प्रकाशित गरेका कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध गर्दछौ तपाईंको माझ मा पुर्णरुपमा सुचना र समाचार सहित हामी उज्यालो समाचार डट कम लिएर आइसकेका छ्म ।। तपाईंको सल्लाह र सुझाव को तीब्र पर्खाइमा हुनेछौ धन्यवाद ।।।।
नम्रता निरौला
विपिन ढुंगाना
तिर्थ नेपाली
बबिता परियार
मदरल्याण्ड सञ्चार नेटवर्क प्रा.लि.
सुर्यविनायक नगरपालिका-५, भक्तपुर, नेपाल
फोन नं. - +977-016620586, 9841539373
ईमेल: [email protected]
सूचना विभाग दर्ता नम्बर: १२४४/०७५-७६
प्रेस काउन्सिल दर्ता नम्बर: २८२८
वेबसाईट : ujyaalosamachar.com
देश रोएको बेला बालेन हाँस्दै बसेको आरोप हर्क साम्पाङको ?
दशैँ–तिहारमा अग्रिम टिकट बुकिङ नखुल्ने, ठग्नेहरूमाथि कारबाही हुने चेतावनी।
म बनाउँछु मेरो सिंहदरबार, म बनाउँछु मेरो देश अर्घाखाँचीका एक किसानले गरे,१ लाख १ सय रुपैयाँ सहयोग ।
जेनजी शहीदको सम्झनामा ‘स्मारक पार्क निर्माण गर्ने निर्णय ।
