नवोदित कवि कञ्चन जिआरको गीत ‘म तिमी तिरै हेर्छु’ सार्वजनिक

भक्तपुर । नवोदित कवि तथा गीतकार कञ्चन मगर जिआरको सिर्जनामा आधारित नयाँ गीत ‘म तिमी तिरै हेर्छु’ सार्वजनिक भएको छ। हृदयस्पर्शी शब्दहरूमा सजिएको यस गीतमा गायक गगन श्रेष्ठले स्वर दिएका छन् भने संगीत प्रवीण बराइलीले भरेका छन्।

निकेश खड्काको निर्देशनमा तयार पारिएको गीतको म्युजिक भिडियोमा प्रचण्ड बाबु राई र स्मारिका ढकालले अभिनय गरेका छन्। गीतको एरेन्जमेन्ट संजीव बराइलीले गरेका छन् भने मिक्सिङ तथा मास्टरिङ प्रकाश मिश्राले गरेका छन्। संगीत संयोजनमा संजीव बराइलीकै गिटार, रत्न बीकेको बाँसुरी, र हेमन्त कान्छा  रसाइलीको सारंगीले थप माधुर्यता दिएको छ।

कञ्चन मगर जिआरका यस अघि पनि केही रचनाहरू सार्वजनिक भइसकेका छन् । शृंगारिक भावनाले भरिएको यो गीतले श्रोताहरूको मन जित्ने अपेक्षा गरिएको छ।

गीतको उत्कृष्ट प्रस्तुतीकरण र गहिरा भावनाले यसलाई संगीतप्रेमीहरूका लागि अवश्य सुन्नै पर्ने गीत बनाएको छ।

भिडियो हेर्नुहोस :
https://youtu.be/_Mtli8yYB_0