नदी किनार उकासेर सडक विस्तार : मुग्लिन–पोखरा मार्गमा तीव्र गतिमा काम

तनहुँ, वैशाख १८ – मुग्लिन–पोखरा सडक विस्तार योजनाअन्तर्गत तनहुँको बन्दीपुर गाउँपालिका–४ स्थित विमलनगर क्षेत्रमा तीव्र गतिमा सडक विस्तार कार्य भइरहेको छ।

विस्तार कार्यअन्तर्गत यहाँ मर्स्याङ्दी नदीको किनारलाई उचालेर सडक चौडाइको काम अघि बढाइएको छ। एकातर्फ ठूला चट्टान र अर्कोतर्फ नदी रहेकाले चुनौतीपूर्ण अवस्थामा निर्माण कार्य जारी रहेको छ। निर्माण कम्पनीले नदी किनारतर्फको भूभागलाई भरिई सतह माथि उठाउँदै डबल लेन सडक तयार गरिरहेको छ।

स्थानीय तहका अनुसार, सडक चौडाइसँगै यस क्षेत्रमा सवारी आवागमन थप सहज हुने छ भने पर्यटकीय दृष्टिले पनि क्षेत्रको महत्त्व बढ्ने अपेक्षा गरिएको छ।

यस क्षेत्रको सडक विस्तार कार्यले गण्डकी प्रदेशको यातायात पूर्वाधारमा महत्वपूर्ण योगदान दिने विज्ञहरूको भनाइ छ।

तस्बिर : कृष्ण न्यौपाने / रासस