न्यायाधीश ध्रुवकुमार कार्कीको इजलासमा, थुनछेक बहस सुरु ।

भक्तपुर – जिल्ला अदालत काठमाडौंका न्यायाधीश ध्रुवकुमार कार्कीको इजलासमा आज दुर्गा प्रसाईंसहित ३९ जनाको थुनछेक बहस सुरु भएको छ ।
गत जेठ ११ मा अभियोग पत्र दर्ता भएसँगै बकपत्र चलिरहेको थियो । बकपत्र सकिएपछि जिल्ला सरकारी वकिल कार्यालयका तर्फबाट आज देखि थुनछेक बहस सुरु भए सँगै प्रसाईंसहित आठजनालाई कर्तव्य ज्यान र ज्यान मार्ने उद्योगमा पनि प्रतिवादी बनाइएको छ ।

उनीहरूमध्ये अभियोग पत्रसाथ अदालतमा पेश गरिएका ३९ जनाको एकसाथ थुनछेक सुरु भएको हो । गत चैत १५ मा काठमाडौंको तीनकुनेमा राजावादीले आयोजना गरेको प्रदर्शन हिंसात्मक हुँदा दुईजाको ज्यान गएको थियो । साथै आगजनी, तोडफोड र लुटपाटका घटना भएका थिए । प्रहरीले सो हिंसात्मक घटनामा संलग्न रहेको भन्दै ६५ जनाविरुद्ध काठमाडौं जिल्ला अदालतमा मुद्दा दायर गरेको छ ।