माधव नेपालविरुद्ध भ्रष्टाचार मुद्दा, सांसद पद निलम्बन ।

भक्तपुर – पूर्वप्रधानमन्त्री माधवकुमार नेपालको सांसद पद निलम्बित भएको छ । अख्तियार दुरुपयोग अनुसन्धान आयोगले उनीविरुद्ध विशेष अदालतमा मुद्दा दायर गरेसँगै नेकपा एकीकृत समाजवादीका अध्यक्ष सांसद पद बाट निलम्बनमा परेको हुन् ।

आज अख्तियार दुरुपयोग अनुसन्धान आयोगले पतञ्जली जग्गा सट्टापट्टा प्रकरणमा अनियमितता गरेको आरोपमा अध्यक्ष नेपालविरुद्ध विशेष अदालतमा मुद्दा दायर गरेको थियो । १८ करोड ५८ लाख ५० हजार बिगो मागदाबी गर्दै पूर्वप्रधानमन्त्री नेपालविरुद्ध भ्रष्टाचारको मुद्दा दायर भएको विशेष अदालतका प्रवक्ता यज्ञराज रेग्मीले जानकारी दिनुभयो ।