भौगोलिक जटिलता र बारम्बारको बाढीले बाढीपहिरोले विपी राजमार्गको काम चुनौतीपूर्ण,काम गर्न भने झनझट ।

भक्तपुर- विपी राजमार्गको सडकखण्ड अहिले चुनौती पुर्ण बनेको छ । सङ्घीय राजधानी काठमाडौंलाई पूर्वी नेपालसँग जोड्ने छोटो, एकमात्र वैकल्पिक र अत्यन्त महत्वपूर्ण सडकमार्गमा सावारी साधन चलाउने समस्या भए सँगै यात्रुहरुलाई यात्रा गर्न कस्ट भएको छ । गत साल असोजमा परेको अबिरल वर्षाको कारण काभ्रेपलाञ्चोकको रोशी खोलामा आएको बाढीले राजमार्गको सडकखण्ड कस्टकर बनाएको छ ।

जापान सरकारको अन्तर्राष्ट्रिय सहयोग नियोग (जाइका)को प्राविधिक अध्ययनले विपी राजमार्गमा १६ टनभन्दा माथिको सवारी साधन सञ्चालन गर्न रोक लगाएको छ । सडक विभागले सडक बनाउने कामलाई पनि तिब्रता दिएको छ । तर वर्षाले काम सुरु गर्न मुस्किल बनाइरहेको छ ।

सडक विभागको अध्ययन प्रतिवेदनअनुसार करिब ३० किलोमिटरको पुनर्निर्माणमा मात्रै रु १० अर्ब लाग्ने भएको छ । त्यसमध्ये पनि करिब आठ किलोमिटर सडक त पूरै कटान भएको छ, साथै भौगोलिक जटिलता र बारम्बारको बाढीले काम भने झनै चुनौतीपूर्ण बन्दै गइरहेको छ ।