तीनकुने घटनामा:दुर्गा प्रसाईंसहित ७ जना थुनामा ३२ जनालाई छाड्न अदालतको आदेश ।

गत १५ चैतमा  काठमाण्डौको तीनकुनेमा भएको हिंसात्मक प्रदर्शनसम्बन्धी मुद्दामा जिल्ला अदालतको आदेशपछि दुर्गा प्रसाईंसहित ७ जनालाई डिल्लीबजार कारागार चलान गरिएको छ।

प्रसाईंसँगै सरोज गौतम, गोकर्ण शाही, डण्डपाणि रेग्मी, केशव बस्नेत, कुमार तामाङ र सुशील बराललाई आज कारागार पठाइएको हो। काठमाण्डौ जिल्ला अदालतले गएराति उनीहरूलाई पुर्पक्षका लागि थुनामा पठाउने आदेश दिएको थियो भने बाँकी ३२ जनालाई धरौटीमा रिहा गर्न आदेश दिएको थियो।

गएको चैत १५ गते प्रसाईंको नेतृत्वमा तीनकुनेमा भएको प्रदर्शन हिंसात्मक बनिरहेको थियो। प्रदर्शनका क्रममा दुई जनाको ज्यान गएको थियो भने निजी घर, सरकारी गाडी र जडीबुटी प्रशोधन केन्द्रमा आगजनी गरिएको थियो।