खोला दोहनविरुद्ध बोल्दा हात भाँचिने अवस्था,रडले टुट्यो हेल्मेट वडाध्यक्षको दादागिरी ।

यति खेर सामाजिक संजालमा व्यापत आईरहेको भिडियो  सामाग्री मा पिडित स्याङ्जाको आँधिखोला बचाउ अभियान चलाएका अभियन्तामािथ वालिङ– १० का वडाध्यक्ष सुनिल खनालले रड प्रहार गरेका छन्।आँधिखोला बचाउ अभियान चलाएका नदी संरक्षण अभियन्ता मेघ आले र वालिङका स्थानीय दिनकर नेपालमाथि वडाध्यक्ष खनालले रड प्रहार गरेका हुन्। अभियन्ता नेपालका अनुसार वडाध्यक्ष खनालले उनीहरुलाई यसअघि पनि धम्की दिएका थिए ।

‘आँधिखोला दोहनविरूद्ध बोल्दै गर्दा वडाध्यक्षले हामीलाई धम्की दिएर निस्केका थिए, पछि बाटो छेकेर हामीलाई रड हाने,’ उनले भने, ‘मैले रड हातले छेक्दा हातमा लागेको छ, हेल्मेट पनि फुटेको छ।’आँधिखोला नदीमा गैरकानुनी रूपमा डोजर प्रयोग गरी उत्खनन् गरेको भन्दै उनीहरूले मंगलबार विरोध र्काक्रम राखेका थिए।

कार्यक्रममा नदी संरक्षण अभियन्ता आलेले अहिलेका कानुन अनुसार नदीमा डोजर प्रयोग गर्न नहुने र ढुंगा, गिटी, बालुवा जस्ता नदीजन्य पदार्थ निकाल्नुअघि वातावरणीय अध्यन गर्नुपर्ने धारणा राखेका थिए।आँधिखोलामा स्थानी प्रशासन र जनप्रतिनिधिकै मिलोमतोमा गैरकानुनी दोहन भएको भन्दै उनीहरूले आँधिखोला बचाउ अभियान थालेका थिए।

अभियन्ता आले र नेपालविरूद्ध रड प्रहार गरेको आरोप लागेका वडाध्यक्ष खनालसँग यस विषयमा बुझ्न फोन र म्यासेज गर्दा उनी सम्पर्कमा आएनन्।जिल्ला प्रहरी कार्यालय स्याङ्जाका सूचना अधिकारी प्रशन्नराज चौधरीले घटनाका विषयमा बुझ्न इन्स्पेक्टरको कमाण्डमा ९ जना प्रहरी खटाइएको जानकारी दिए।