गहना लुट्न १६ दिनकी सुत्केरी भाउजूको हत्या – देवरकै झस्काउने बयान!”

कैलालीको गौरीगंगा नगरपालिका–७, कैलाशपुरमा १६ दिनकी सुत्केरी १९ वर्षीया तुलसी नाथको हत्याको आरोपमा उनका २० वर्षीय देवर नवीन नाथ पक्राउ परेका छन्।तुलसीले १६ दिनअघि मात्रै एक छोरालाई जन्म दिएकी थिइन्। उनी शुक्रबार बिहान आफ्नै घर नजिक मृत फेला परेकी थिइन्।

इलाका प्रहरी कार्यालय मालाखेतीका डिएसपी रणबहादुर चन्दका अनुसार, नवीनले प्रहरी समक्ष हत्याको दोष स्वीकारेका छन्। प्रहरी अनुसन्धानमा उनले हत्या गरेर तुलसीका सुनका मुन्द्रा र पोते लुटेको बताएका छन्।हत्या भएको दिन घरमा तुलसी, नवीन, उनकी श्रीमती र बहिनी मात्रै थिए। राति श्रीमती र बहिनी सुतिसकेको मौका छोपी नवीन तुलसीको कोठामा पसेका थिए। उनले चक्कु प्रयोग गरी कानबाट आठ वटा सुनका मुन्द्रा झिकेका थिए। त्यसपछि शव करिब ८ सय मिटर टाढा लगेर फालेका थिए।

तुलसीको शरीरमा देखिने चोटपटक थिएन, जसले घटनालाई प्राकृतिक मृत्युझैँ देखाउने प्रयास भएको प्रहरीको भनाइ छ। तर कानका गहना गायब भएपछि प्रहरीले अनुसन्धानको दिशा बदल्दै नवीनमाथि निगरानी बढाएको थियो।शव भेटिएको दिनदेखि नै नवीन प्रहरीको अनुसन्धानमा सहयोग गरिरहेको नाटक गर्दै आएका थिए।

प्रहरीका अनुसार नवीनले आर्थिक अभावमा भाउजूसँग पैसा माग्ने गर्दथे। बारम्बार पैसा माग्दा भाउजूले नदिएकोमा रिस र बदला लिने भावना बोकेर उनले यस्तो जघन्य अपराध गरेका हुन्।यस घटनाले स्थानीय समाजमा ठूलो स्तब्धता छाएको छ। नवजात शिशु आमाविहीन बनेको छ भने सम्पूर्ण परिवार शोकमा डुबेको छ।तर उनको छटपटी, असहज व्यवहार र अन्ततः गहना लुकाएको स्थान समेत आफैँ देखाएको स्वीकारोक्तिले हत्याको पर्दाफास भएको प्रहरीको भनाइ छ।