सिराहामा दलित युवकको रहस्यमय मृत्यु: घाँटीमा प्लास्टिक बेरिएको अवस्थामा भेटिए ।

सिराहामा एक दलित युवक मृत अवस्थामा फेला परेका छन्।मृतकको घाँटीमा प्लास्टिक बेरिएको अवस्थामा भेटिएको छन। घटना शङ्कास्पद रहेको प्रहरीले जनाएको छ।आज बिहान सिरहाको हर्नमा गाउँपालिका वडा नम्बर–स्थितको खेतमा ३४ वर्षीय दलित युवक मृत भेटिएको प्रहरीले जनाएको छ ।

बुदियाचापमा स्थित खेतमा अन्दाजी ३४ वर्षीय अजय महरा मृत भेटिएको सिराहा प्रहरी प्रवक्ता वीरेन्द्र पासवानले बताए । उनका अनुसार आज बिहान महरा आफ्नो घर भन्दा एक किलोमिटर दूरीमा रहेको खेतमा मृत भेटिएका हुन् । प्रहरीले गरेको प्रारम्भिक सोधपुछमा महरा राती आफ्नो घरमा सुतिरहेका थिए । तर बिहान घरमा नभेटिएपछि उनको खोजबिन गर्दै जाँदा खेतमा शव भेटिएको प्रहरीले जानकारी दिएको छ।

प्रहरी प्रवक्ता पासवानले भने, ‘महराको घाँटीमा प्लास्टिकले बेरिएको छ, घटना शङ्कास्पद छ । यद्यपि, पोस्टमार्टममा विस्तृत विवरण खुल्नेछ ।’ उनका अनुसार अहिले घटनास्थलको मुचुल्का उठाउने काम भइरहेकोले छ, त्यसपछि पोष्टमार्टमका लागि शव अस्पताल पठाइनेछ । पोस्टमार्टम रिपोर्ट आइसकेपछि घटनाको वास्तविकता खुल्ने प्रहरीले जनाएको छ ।