करेन्ट लाग्दा एकै परिवारका ३ जना घाइते, एक वर्षीया शिशु समेत अस्पतालमा

हेटौँडामा करेन्ट लागेर एकै परिवारका तीन जना घाइते भएका छन्। हेटौँडा उपमहानगरपालिका–७ नागसोती शान्तिटोलमा हिजो साँझ विद्युतको तार अचानक भुइँमा खस्दा सडकमा हिँडिरहेका स्थानीय ४६ वर्षीय सञ्चयकुमार पुडासैनी, उनकी श्रीमती ४४ वर्षीया लक्ष्मी र नातिनी एक वर्षीया श्रीयाना करेन्ट लागेर घाइते भएका हुन्।

जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालका अनुसार घाइते सबैलाई जनालाई हेटौँडा अस्पतालमा प्राथमिक उपचार पछि नयाँ मेडिकल कलेज भरतपुर चितवन पठाइएको छ।