वीरगन्जको कृषि औजार कारखाना महावीर पुनको मात्र नभई हामी सबै नेपालीको हो : विद्यार्थी प्रनव अर्याल

भक्तपुर-वीरगन्जस्थित कृषि औजार कारखाना सञ्चालनका लागि सरकारबाट अपेक्षित सहयोग नपाएपछि राष्ट्रिय आविष्कार केन्द्रका अध्यक्ष तथा समाजसेवी डा. महावीर पुन आफ्नै जीवनीमा आधारित पुस्तक ‘महावीर पुन’ बिक्री गर्दै आर्थिक संकलनमा जुटेका छन्। उनको यो अभियानमा सर्वसाधारणदेखि विद्यार्थीहरू समेत हातेमालो गर्न थालेका छन्।  बालाजु स्कुल अफ इन्जिनियरिङ एण्ड टेक्नोलोजीमा अध्ययनरत विद्यार्थी प्रनव अर्यालले पनि आफ्नै शिक्षालय र टोलमा पुस्तक बेचेर अभियानमा साथ दिएका छन्। अर्याल भन्छन्, “वीरगन्जको कृषि औजार कारखाना महावीर पुनको मात्र नभई हामी सबै नेपालीको हो।

यस्ता उत्पादनमूलक उद्योगहरूले देशको आर्थिक तथा सामाजिक रुपान्तरणमा महत्वपूर्ण योगदान दिन सक्छन्। त्यसैले यसको जिम्मेवारी नागरिकको पनि हो।” महावीर पुनले भनेका छन्, “देशका तीन लाख जनाले मात्र मेरो किताब किनिदिए करिब १६ करोड रुपैयाँ संकलन गर्न सकिन्छ, जुन रकमले कारखाना स्थापनाको सपना पूरा हुन्छ।” यस अभियानको उद्देश्य देशभित्रै रोजगारी सिर्जना गर्दै कृषि यन्त्रहरू स्वदेशमै उत्पादन गर्नु हो, जसले कृषकहरूको जीवनस्तर सुधार र आत्मनिर्भरता तर्फको यात्रा सशक्त बनाउने विश्वास गरिएको छ।

विद्यार्थी अर्याल थप्छन्, “विदेश पलायन भइरहेका युवालाई स्वदेशमै केही गर्न सकिन्छ भन्ने सन्देश डा. पुनको कामले दिन्छ। त्यही सोचका साथ मैले पनि केही सहयोग गर्न खोजेको हुँ।” उनले हालसम्म आफ्नै प्रयासमा २–४ वटा पुस्तक बिक्री गरेर सहयोग गरेका छन्। उनी भन्छन्,

“हामी सबैले सकेको सहयोग गर्नुपर्ने बेला हो। यो महावीर पुनको अभियान मात्रै होइन, हाम्रो राष्ट्रिय जिम्मेवारी पनि हो।

भौतिक शास्त्री भवानी प्रशाद्ध अधिकारी

” महावीर पुनले सिर्जना गरेको यो अभियानमा संलग्न हुन जनसाधारणलाई आग्रह गर्दै अर्यालले भन्छन्, “हामीले आज साथ नदिने हो भने भोलि देशलाई चाहिने कृषि औजार, प्रविधि र आत्मनिर्भरता सपना मात्रै बन्न सक्छ। अब हामी सबै एक भएर अघि बढ्नुपर्छ।” निष्कर्षमा, वीरगन्जमा स्थापना हुँदै गरेको कृषि औजार कारखाना केवल एक परियोजना मात्र होइन — यो स्वदेशमै उद्यमशीलता र उत्पादनमूलक भविष्यको सम्भावना हो। यो अभियान महावीर पुनको होइन, सम्पूर्ण नेपालीको साझा सपना हो।