घरायसी विवादका कारण जनकपुरमा आफ्नै ज्वाइँले गरे ससुराको हत्या ।

भक्तपुर – घरायसी विवादका कारण जनकपुरधाममा आफ्नै ससुराको हत्या गर्न ज्वाइँ पक्राउ परेका छन् । जनकपुरधाम–२१ कुर्थाका ४८ वर्षीय बेचन महासेठले ससुराको पेटमा छुरा प्रहार गरेको प्रहरीले जनाएको छ ।

हत्या घटनामा संलग्न महासेठलाई रेल्वे स्टेशनबाट पक्राउ गरी थप अनुसन्धान भइरहेको छ । घटनाको एकसातापछि मंगलबार धनुषाको जनकनन्दनी गाउँपालिकास्थित रेल्वे स्टेशनबाट महासेठलाई पक्राउ गरिएको जिल्ला प्रहरी कार्यालय धनुषाका प्रहरी उपरीक्षक (एसपी) नरहरि रेग्मीले जानकारी दिए । महासेठलाई छुरासहित आज जिल्ला प्रहरी कार्यालय धनुषाले सार्वजनिक गरेको छ ।

एसपी रेग्मीका अनुसार महासेठले घरसायी विवादमा ससुराको पेटमा चारपट छुरा प्रहार गरेका थिए । मृतक बासुदेव जनकपुरधाम उपमहानगरपालिकाका मेयर मनोज साहका काका हुन् । पक्राउ परेका महासेठमाथि कर्तव्य ज्यान मुद्दामा थप अनुसन्धान गरिने प्रहरीले जनाएको छ ।