सर्पको टोकाइबाट छाउगोठमा सुतेकी महिलाको मृत्यु।

भक्तपुर – छाउगोठमा सुतेकी महिलाको सर्पको टोकाइबाट मृत्यु भएको छ । कञ्चनपुरको कृष्णपुर नगरपालिका–१ निगालीकी २८ वर्षीया कमला नेपालीको (आउजी) सर्पले डसेर ज्यान गएको छ । बस्नका लागि पक्की घर भए पनि महिनावारी भएपछि सुत्नका लागि घरको आँगनमै बनाइएको गोठमै जाने सुत्न गएका बेला उहाँलाई गएराति १२ बजेको समयमा सर्पले डसेको थियो । तत्काल उहाँलाई उपचारका लागि सेती प्रादेशिक अस्पताल धनगढी पुयाइएको थियो ।
अस्पतालमा उपचारका क्रममा कमलाको ज्यान गएको जिल्ला प्रहरी कार्यालयका प्रमुख प्रहरी उपरीक्षक खड्कबहादुर खत्रीले जानकरी दिनुभयो । महिनावारी भएको समयमा घरको आँगनमै रहेको छाउगोठमा सुत्न गएका बेला उहाँलाई गएराति १२ बजेको समयमा सर्पले डसेको थियो । कमलाका तीन स–साना बालबालिका छन् । उहाँका श्रीमान् रोजगारीका लागि भारतमा रहेका छन् । बस्नका कुरीतिजन्य अमानवीय छाउ प्रथालाई हटाउन सम्बन्धित निकायले यथाशीघ्र पहलकदमी लिनुपर्ने महिला अधिकारकर्मीको माग छ ।