टिण्डा सहरमा हराएको विमान ,दुर्घटनाग्रस्त अवस्थामा फेला।

भक्तपुर – रुसको ५० जना बोकेको विमान दुर्घटनाग्रस्त अवस्थामा भेटिएको छ । रुसको अमुर क्षेत्रको पूर्वी भागमा हराएको विमान टिण्डाको विमानस्थलबाट केही माइल वर भिरालो जंगलमा दुर्घटनाग्रस्त अवस्थामा फेला पारेको छ ।

घटनास्थलबाट प्राप्त फुटेजमा विमानको भग्नावशेष घना जंगलमा जलिरहेको देखिएको बताईएको छ । उक्त विमान दुर्घटनामा कोही पनि जीवित नभएको अनुमान गरिएको छ । उद्धारकर्ताहरूले जहाज दुर्घटनास्थलमा जिवित मानिस भेटिने सम्भावना नरहेको बताएका छन् ।

अंगारा एयरलाइन्सको एएन–२४ विमानमा चालक दलका ६ जना सदस्यसहित ५० जना सवार थिए । जसमध्ये पाँच जना बच्चा थिए । विमान चीनको सीमा नजिक ब्लागोवेशचेङ्कबाट उडेको थियो । आफ्नो गन्तव्यभन्दा १६ किमी पर रहँदा विमान बेपत्ता भएको थियो । विमान पूर्वी रुसको आमुर क्षेत्रको टिण्डा सहरमा हराएको थियो ।