तराई मधेशको सुक्खाग्रस्त क्षेत्रको अवलोकन गर्दै प्रधानमन्त्री, ५० प्रतिशत पनि धान रोपाइँ हुन सकेन ।

भक्तपुर – प्रधानमन्त्री केपी शर्मा ओली तराई मधेशको सुक्खाग्रस्त क्षेत्रको अवलोकन सगँै महोत्तरीमै जनकपुर–कुर्था–सम्सी सडकखण्ड रौजाको रातुखोला पुल उद्घाटन गर्न मधेश प्रस्थान गर्नु भएको छ ।

सुक्खाग्रस्त क्षेत्रको अवलोकन गर्नको लागि प्रधानमन्त्रीसँगै भौतिक पूर्वाधार तथा यातायातमन्त्री देवेन्द्र दाहाल, श्रम रोजगार तथा सामाजिक सुरक्षामन्त्री शरतसिंह भण्डारी लगायत सुक्खाग्रस्त क्षेत्रको अवलोकन गर्न जानुभएको हो । महोत्तरीको मटिहानी नगरपालिका–८ को विग्ही नदी पुलको उद्घाटन, वडा नम्बर ६ मा नवनिर्मित प्रसूति गृहको उद्घाटन सभालाई सम्बोधन गर्ने जाने क्रममा प्रधानमन्त्री ओलीले हेलिकप्टरमार्फत सुक्खाग्रस्त क्षेत्रको अवलोकन गर्नुभएको हो ।

साथै उहाँले बाराको परवानीपुर गाउँपालिकाको नवनिर्मित प्रशासकीय भवनको उद्घाटन सभालाई सम्बोधन गर्ने कार्यक्रम छ । अवस्था जटिल बनेपछि असार अन्तिम हप्ता प्रदेश सरकारले सुक्खाग्रस्त क्षेत्र घोषणा गरेको थियो । पानीको अभाव भएपछि मधेशमा धान रोपाइँ अहिलेसम्म ५० प्रतिशत पनि हुन सकेको स्थानियले बताएका छन् ।