गाजा क्षेत्रमा गम्भीर भोकमरीको चेतावनी, कुपोषणका कारण १ सय २२ जानको मृत्यु ।

भक्तपुर – गाजा क्षेत्रमा गम्भीर भोकमरीको चेतावनी दिएको छ । त्यहाँका एक तिहाइ जनसङ्ख्या धेरै दिनदेखि भोकै रहेको जनाएको छ । संयुक्त राष्ट्रसंङ्घको विश्व खाद्य कार्यक्रम डब्ल्यूएफपीले भोकमरीको चेतावनी दिएको हो ।
गाजा क्षेत्रमा गम्भीर भोकमरीको चेतावनी दिँदै डब्ल्यूएफपीले निकालेको विज्ञप्तिमा कुपोषणको अवस्था गम्भीर बन्दै गएको र करिब ९० हजार महिला तथा बालबालिकालाई तत्काल उपचारको आवश्यकता रहेको उल्लेख छ ।
एजेन्सीहरूका अनुसार गाजामा यो हप्ता भोकमरीको अवस्था अझै भयावह हुने अनुमान गरिएको छ । हमासद्वारा सञ्चालित स्वास्थ्य मन्त्रालयका अनुसार आज मात्र कुपोषणका कारण थप ९ जनाको ज्यान गएको छ । इजरायलसँगको युद्ध शुरू भएयता कुपोषणका कारण ज्यान जानेको सङ्ख्या १ सय २२ पुगेको छ ।