रुसमा ८ दशमलव ८ म्याग्निच्युडको शक्तिशाली भूकम्प,थुप्रै व्यक्ति घाइते ,सुनामीको जोखिम ।

भक्तपुर – रुसको पेट्रोपाभ्लोभ्स्क–काम्चात्स्की शहरबाट झन्डै १३६ किलोमिटर टाढा र १८ दशमलव २ किलोमिटर गहिराइमा आज बिहान ८ दशमलव ८ म्याग्निच्युडको शक्तिशाली भूकम्प गएको छ ।

रुसको पूर्वी क्षेत्रमा अमेरिकी भौगर्भिक सर्वेक्षण केन्द्र (यूएसजीएस) का अनुसार शक्तिशाली भूकम्पको परकम्प गएको । बीबीसीले जनाएको छ । रुसी समाचारसंस्था तासले भूकम्पमा परी थुप्रै व्यक्ति घाइते भएका जनाएको छ ।

ठूलो भूकम्पपछि रुस, जापान र अमेरिकाको अलास्का क्षेत्रमा सुनामीको जोखिम छ । ती क्षेत्रमा सतर्कता अपनाउन र नागरिकलाई तत्काल सुरक्षित ठाउँमा जान आग्रह गरिएको छ । अमेरिकी अधिकारीले अलास्का र हवाई क्षेत्रमा सुनामी आउने चेतावनी दिएका छन् ।