टेक बोहराको पहिलो गीत ‘लाल कुर्ती वाली’ सार्वजनिक ।

तिर्थ नेपाली
साउन १८
भक्तपुर-गायक तथा सर्जक टेक बोहराको ।पहिलो गीत ‘लाल कुर्ती वाली’ सार्वजनिक भएको छ।
पश्चिमेली र नेपाली भाषाको समिश्रणमा तयार पारिएको गीतमा शब्द र संगीत स्वयंम बोहराकै रहेको छ। बोहरालाई गायनमा गायिका संगिता बड्वाले स्वरमा साथ दिएकी छन्।

‘लाल कुर्ती वाली’ मा देउडा भाकाको मिठास, आधुनिक संगीतको स्पर्श र मौलिक शैलीको प्रस्तुति समेटिएको छ। भिडियोमा प्रकाश मल्ल, गंगा साउँद र बिर बोहराको अभिनय देख्न सकिन्छ।गीतको निर्देशन चर्चित देउडा गायक तिलक विष्टले गरेका छन् भने छायांकन जहित बुढा र सम्पादन पिआर जोशीको रहेको छ।
भिडियोमा स्थानीय संस्कृति, पहिरन र प्रेम भावलाई कलात्मक रूपमा प्रस्तुत गरिएको छ।यो गीत गायक बोहराको आफ्नै युट्युब च्यानल ‘Bohara Ji Production’ मार्फत आईतबार दिउँसो ४ बजे सार्वजनिक गरिएको हो।कलाकारिता क्षेत्रमा पहिलो पाइला चालेका टेक बोहराले दर्शक–श्रोताको माया र सुझावको अपेक्षा गर्दै गीतप्रतिको साथ र समर्थनको आग्रह गरेका छन्।

हेर्नुहोस् भिडियो