भक्तपुर रिसोर्टमा अवैध जुवा, प्रहरीले छापा मार्दा ४ जना पक्राउ ।

भक्तपुर – भक्तपुरको चाँगुनारायण नगरपालिका–७ मा जुवातास खेली रहेको बेला प्रहरीले छापा मार्दा चार जनालाई पक्राउ गरेको छ । खरिपाटीस्थित बाँसबारी रिसोर्टमा जुवातास खेलेको आरोपमा मध्यपुर थिमी नगरपालिका–५ का ३७ वर्षीय बाबुराजा प्रजापति सहित चार जना पक्राउ परेका हुन् ।

उनीहरुलाई सोमबार दिउँसो जिल्ला प्रहरी परिसर भक्तपुरले पक्राउ गरेको हो । नगद १ लाख ५ हजार ९ सय ४० रूपैयाँ, डिजिटल तास खेलाउन प्रयोग हुने जस्तो देखिने मोबाइल आकारमा रहेको डिभाइस थान १, डिजिटल तास खेलाउने डिभाइसमा प्रयोग हुने डिजिटल तास १२ बुक र मोबाइल ६ थान बरामद भएको छ । साथै प्रहरीले उनीहरूले प्रयोग गरेको १ थान मोटरसाइकल र १ थान स्कुटर समेत बरामद गरेको छ ।