प्रहरीको गोली लागेर सप्तरीमा एक पुरुषको मृत्यु, स्थानीय भन्छन् प्रहरीले जानाजानी चलायो गोली ।

भक्तपुर – सप्तरीमा प्रहरीको गोली लागेर एक जनाको मृत्यु भएको छ । राजगढ गाउँपालिका वडा नम्बर २ कमलपुरमा गएराति प्रहरीले गोली चलाउदा । स्थानीय लालु यादवको ज्यान गएको छ ।

हिजो राति साढे १० बजेतिर प्रहरी टोलीले तस्करलाई धरपकड गर्ने क्रममा गोली चलेको प्रारम्भिक विवरण छ । प्रहरीले केही कार्टुन जाँडरक्सी पनि बरामद गरेको थियो । भारतीय तस्करले प्रहरीमाथि पहिला गोली चलाएको र जवाफी कारबाहीमा नेपाल प्रहरीले गोली चलाउँदा स्थानीय लालु यादवको ज्यान गएको जिल्ला प्रहरी कार्यालय सप्तरीले जनाएको छ ।

स्थानीयवासीले प्रहरीले जानाजानी गोली चलाउँदा लालुको ज्यान गएको बताएका छन् । घटनामा एक जना प्रहरी समेत घाइते भएको जानकारी प्राप्त भए पनि ती प्रहरीको थप अवस्थाबारे प्रहरीले आधिकारीक विवरण सार्वजनिक गरिसकेको छैन ।