दैलेखकी १२ वर्षीया बालिकामाथि सामूहिक बलात्कार: न्यायको मागमा माइतिघर मण्डलामा प्रदर्शन ।।

तिर्थ नेपाली/२६ साउन

भक्तपुर  – पश्चिम दैलेखको चामुण्डाबिन्द्रासैनी नगरपालिका–८, माथिल्लो खाडामा बिहीबार साँझको समयमा गाउँमै तीज हेरेर घर फर्किने क्रममा १२ वर्षीय बालिकामाथि सामूहिक बलात्कार भएको घटनाको विरोधमा काठमाडौंको माइतिघर मण्डलामा सोमबार प्रदर्शन गरिएको छ।

प्रदर्शनमा सहभागी महिला अधिकारकर्मी, विद्यार्थी तथा पीडितको पक्षमा उभिएका दलित समुदायका युवा अभियान्ताहरुले घटनामा संलग्न दोषीलाई कडा कानुनी कारवाही गर्न माग गरेका छन् । उनीहरूले अपराधीलाई कारवाही गरेर मात्र पीडितलाई न्याय दिन सकिने बताएका थिए।

प्रदर्शनकारीहरुका अनुसार २३ वर्षीय गोविन्दबहादुर शाही र २५ वर्षीय खकी भण्डारीले बालिकालाई लखेटी–लखेटी ढुङ्गा प्रहार गरेका थिए र त्यसपछि सामूहिक बलात्कार गरेका थिए। यस घटनाको निष्पक्ष छानबिन तथा पीडित पक्षलाई न्याय प्रक्रियामा ढिलो भएको भन्दै प्रदर्शन गरिएको हो ।
प्रदर्शनमा सहभागीहरूले हातमा ‘बालिकामाथि हुने हिंसा बन्द गर’, ‘दोषीलाई कडा सजाय देऊ’ र ‘न्याय बिना शान्ति हुँदैन’ महिलाको सुरक्षा सुनिश्चित गर् ,महिला मुक्ति जिन्दावाद ,जात व्यव्स्था बन्द गर जस्ता प्लेकार्ड बोकेका थिए। उनीहरूले यस्ता घटनाबाट पीडितको जीवनभरको मानसिक र शारीरिक असरबारे पनि ध्यानाकर्षण गराउँदै न्यायिक प्रक्रियालाई छिटो पार्न सरकारसँग माग गरेका थिए।

यसअघि पनि बझाङ, कैलाली ,कंञ्नपुर, सिराहा लगाएतका जिल्लाहरुमा दलित युवती बलत्कृत भएकी थिईन् तर राज्यले अझै न्याय दिन सकेको छैन ।यो प्रदर्शनले घटनाबारे राष्ट्रिय ध्यानाकर्षण गराएको छ।