कुवेतमा विषाक्त मदिराको सेवानले १२ नेपाली मृत्यु ,उपचाररत सबैलाई देश फिर्ता ।

भक्तपुर – कुवेतमा हालै भएको विषाक्त मदिराको घटनाले १२ जना नेपालीको मृत्यु भएको पुष्टि भएको छ । कुवेतको स्वास्थ्य मन्त्रालयका अनुसार, १६० जना आप्रवासी श्रमिकहरूलाई विषाक्त मदिरा सेवनका कारण अस्पताल पुर्याइएको थियो ।,

जसमा १२ जना नेपालीको मृत्यु भएको कुवेतस्थित नेपाली राजदूतावासले जानकारी दिएको छ । जसमा विषाक्त मदिरामा मेथानोल मिसाइएको आशंका गरिएको छ । जुन अत्यन्तै विषाक्त र औद्योगिक मदिरा हो । यसका कारण २१ जनामा दृष्टिहीनता वा दृष्टि गुमाउने समस्या देखिएको छ । अहिले ५१ जना बिरामीलाई डायलाइसिस र ३१ जनालाई भेन्टिलेटरको राखेको दूतावासले बताएको छ ।

कुवेतमा मदिरा सेवन पूर्ण रूपमा प्रतिबन्धित छ । तर यो घटनाले अवैध मदिरा उत्पादन र बिक्रीको गम्भीरता उजागर गरेको भन्ने आशँका गरेको छ । कुवेत प्रहरीले ६७ जनालाई पक्राउ गरेको छ । जसमा दुई जना नेपाली नागरिक पनि रहेका छन् । नेपालको दूतावासले प्रभावित नेपाली श्रमिकहरूको उपचारको लागि कुवेतका अस्पतालहरूसँग समन्वय गरेको नेपाली दूतावासले जानकारी दिएको छ । हाल कुवेतमा १ लाख ६० हजार नेपाली कार्यरत छन् ।

पछिल्लो समय नेपालीहरू लागू औषध ओसारपसार र अवैध मदिरा उत्पादन तथा सेवनजस्ता गैरकानुनी गतिविधिमा संलग्न भएको पाइँदा कुवेतमा नेपाली कामदारको छविमा नकारात्मक असर परेको छ । कुवेतका जेलहरूमा रहेका नेपालीमध्ये ५० प्रतिशतभन्दा बढी रक्सी र लागूऔषधसम्बन्धी मामिलामा परेका र कुवेत विषाक्त मदिरा घटना साथै अस्पतालमा उपचाररत सबैलाई देश निकाला गरिने दूतावासले जनाएको छ ।