शिक्षक महासङ्घको माग पूरा नभएपछि ,शिक्षकले आन्दोलनका कार्यक्रमहरु गयो सार्वजनिक ।।

भक्तपुर –  नेपाल शिक्षक महासङ्घले आफ्ना माग पूरा नभएको भन्दै आन्दोलनका कार्यक्रम सार्वजनिक गरेको छ । महासङ्घले आज पत्रकार सम्मेलन गर्दै चरणबद्ध आन्दोलनका कार्यक्रम घोषणा गरेको हो । घोषित कार्यक्रमअनुसार पहिलो चरणमा ज्ञापनपत्र बुझाउने, धर्ना र विरोधसभा जस्ता कार्यक्रमहरू हुनेछन् भने माग पूरा नभए दोस्रो चरणमा विद्यालय बन्द गरेर संघर्षलाई तीव्र पार्ने चेतावनी समेत दिइएको छ ।

भदौ ११ गतेदेखि २० गतेसम्म केन्द्रमा सबै राजनीतिक पार्टीका कार्यालयमा ध्यानाकर्षण पत्र बुझाउने र कम्तीमा २ घण्टा प्रतिनिधिमूलक धर्ना दिने भएको छ । भदौ १३ गते सबै पालिकामा र भदौ १५ गते सबै जिल्लाका समन्वय एकाइमा ध्यानाकर्षण पत्र बुझाउने र २ घण्टा धर्ना दिने महासङ्घले जनाएको छ ।

महासङ्घले सरकारसँग पटक–पटक वार्ता गरेर समस्या समाधान गर्न खोजिए पनि मागहरू बेवास्ता भएको भन्दै अब दबाब स्वरूप आन्दोलन गर्ने बताएका छन । शिक्षक महासङ्घका पदाधिकारीहरूले शिक्षकमाथि हुने अन्याय, सेवा–सुविधा सुधार, स्थायी नियुक्ति र पेशागत हकहित सुनिश्चितताका लागि आन्दोलन अपरिहार्य भएको बताएका छन् ।