अर्घाखाँचीमा श्रीमानद्वारा श्रीमतीको हत्या, शव घरभित्रै पुरिएको अवस्थामा फेला ।

भक्तपुर – अर्घाखाँचीमा श्रीमानले आफ्नै श्रीमतीको हत्या गरी शव घरभित्रै पुरेको घटनामा प्रहरीले अनुसन्धान गर्दा शव घरभित्रै पुरेको खुलेको छ । अर्घाखाँची जिल्लाको छत्रदेव गाउँपालिका–४ पातल पोखरामा बस्ने निवासी पुरुषले पारिवारिक विवादका कारण श्रीमतीको हत्या गरी शवलाई घरभित्र खाल्डो खनेर पुरेको प्रारम्भिक अनुसन्धानबाट खुलेको जिल्ला प्रहरी कार्यालय अर्घाखाँचीले जनाएको छ ।
३६ वर्षीय श्रीमान् किरण गुरुङ पक्राउ परेका छन् । उनले ३४ वर्षीया सुमित्रा कुमालको हत्या गरी भान्सा कोठामा पुरेको अवस्थामा शव भेटिएको जिल्ला प्रहरी कार्यालय अर्घाखाँचीका प्रमुख एवम् प्रहरी नायब उपरीक्षक (डीएसपी) चक्रबहादुर मल्लले बताउनुभयो ।
श्रीमतीको हत्या गरेपछि किरणले ९ वर्षीया छोरीलाई कसैलाई नभनु है भनेका थिए ।

हत्या भएको ६ दिनपछि शव भेटिएको हो ।प्यूठानको नौबहिनी गाउँपालिका–१ स्याउलीबाङ्ग स्थायी घर भएका किरण विगत ८ वर्षदेखि छत्रदेव–४ को पातल पोखरामा बस्दै आएका थिए । माइती पक्षले बल्कोट प्रहरी चौकीमा सुमित्राको खोजीका लागि खबर गरेका थिए । झगडापछि गएको ११ गते राति श्रीमतीको हत्या गरेको किरणले स्वीकार गरेका प्रहरीको भनाइ छ ।