१९ जनाको ज्यान जाने आन्दोलनपछि प्रधानमन्त्री ओलीले छाडे पद ।

भक्तपुर । प्रधानमन्त्री केपी शर्मा ओलीले पदबाट राजीनामा दिएका छन् । मंगलबार बिहान आफ्नो पदत्यागबारे औपचारिक घोषणा गर्दै उनले राजीनामा बुझाएका हुन । राजीनामाको पृष्ठभूमिमा देशभर भइरहेका जेन जी आन्दोलन, सामाजिक सञ्जालमाथिको प्रतिबन्ध, बढ्दो भ्रष्ट्राचार र शासनप्रति असन्तोष प्रमुख कारण बनेको बताइन्छ । आन्दोलन तीव्र हुँदै जाँदा काठमाडौँसहित विभिन्न शहरमा हिंसात्मक घटना भइ कम्तीमा १९ जनाको ज्यान गएको र सयौं घाइते भएका थिए ।

आन्दोलनलाई नियन्त्रणमा ल्याउने क्रममा गृहमन्त्री रमेश लेखकले सोमबार राजीनामा दिएका थिए भने । मंगलबार प्रधानमन्त्री ओलीले पनि बढ्दो जनदबाबका कारण पद छाडेका हुन्। ओलीको राजीनामासँगै अब नयाँ सरकार गठनको प्रक्रिया अघि बढ्ने भएको छ । तर राजनीतिक भविष्य कस्तो हुनेछ भन्नेबारे अनिश्चितता कायमै रहेको छ ।