सर्वोच्च अदालतमा लागेको आगो नियन्त्रणमा, महानगरपालिकाको दमकल परिचालन ।

भक्तपुर – सर्वोच्च अदालत परिसरमा आगलागी भएको घटनामा महानगरपालिकाको दमकल टोली परिचालन गरी आगो नियन्त्रणमा लिइएको छ ।
मंगलबार हिजो जेनजी प्रदर्शनको क्रममा युवाहरुको एक समूहले आगो लगाइदिँदा सर्वोच्च अदालत पूर्णरुपमा जलेर ध्वस्त भएको छ ।

आगलागीपछि स्थानीयवासी र सुरक्षाकर्मीको सहयोगमा महानगरपालिकाको दमकलले तत्काल आगो निभाउने कार्य गरेको हो । हालसम्म आगलागीको कारण र क्षतिको विवरण सार्वजनिक भएको छैन । प्रहरीले आगलागीको कारणबारे अनुसन्धान सुरु गरेको जनाएको छ । कागजात र प्रमाण हेरेर मुद्दाको फैसला गर्ने सर्वोच्च अदालत मंगलबारको आगजनीले खरानी भएको छ ।

काठमाडौं र हेटौंडाको डाटा सेन्टरमा एकसाथ आक्रमण भएपछि मुलुकको न्यायप्रणालीमा ठूलो क्षति पुगेको छ । मुद्दाका मिसिल, सर्भर, इजलास समेत जलेर नष्ट भएको हुँदा सर्वोच्च अदालतले पेसीमा रहेका मुद्दाहरुको सुनुवाइ अनिश्चितकालका लागि स्थगित गरेको छ ।