दशैँ नजिकिँदै गर्दा पनि यातायात ठप्प, टिकट बुकिङ खुल्ने सुरसार भएन ।

भक्तपुर-दशैँ नजिकिँदै जाँदा पनि देशैभरको लामो दूरीको यातायात सेवा ठप्प भएको छ । जेनजी आन्दोलनपछि यातायात क्षेत्र नराम्ररी प्रभावित भएको छ । अस्ति मङ्गलवारदेखि नै यातायात क्षेत्र ठप्प भएको हो ।

यात्रुहरूलाई सहज यात्राको लागि अग्रिम टिकट बुकिङ खुल्ने समय नजिकिँदा पनि अझैसम्म कुनै सुरसार भएको छैन। यसवर्ष असोज १६ दशैँको टीका छ । असोज ६ गते घटस्थापनाअघि घर पुग्ने योजना बनाएका यात्रु बाटोमै अलपत्र छन् । यातायात व्यवसायीले गाडी चलाउनका लागि सुरक्षाको ग्यारेन्टी हुनुपर्ने बताएका छन् ।

यसका लागि सम्बन्धित निकायले सुरक्षित वातावरण तयार गनुपर्ने गाडी सञ्चालकहरुको भनाइ छ । गाडी नचल्दा यात्रुसँगै यातायात व्यवासायी र मजदुर समस्यामा परेका छन् । यातायात व्यवस्था विभागले भने चाँडै सबै पक्षसँग छलफल गरेर टिकट बुकिङ खुल्ने जानकारी दिने तयारी भइरहेको जनाएको छ ।