जेनजी आन्दोलनपछिको नयाँ मोड,रेशमले छाडे नागरिक उन्मुक्ति पार्टी ।

भक्तपुर-नागरिक उन्मुक्ति पार्टी (नाउपा)का संस्थापक तथा संरक्षक रेशम चौधरीले पार्टी परित्याग गरेका छन् सामाजिक सञ्जालमार्फत चौधरीले नाउपा छोडेको घोषणा गर्दै “आफैंले बनाएको पार्टीमा अटाउन नसकेपछि छोडें” भनेका छन् । उनले अब “नागरिक उन्मुक्ति पार्टी, नेपाल” नामक नयाँ राजनीतिक दल बनाउने घोषणा पनि गरेका छन्।

टीकापुर घटनामा दोषी ठहर भई लामो समय जेलजीवन व्यतित गरेका रेशमले जसपा छाडेर नाउपा गठन गरेका थिए। तर, कानुनीरुपमा अध्यक्ष बन्न नसक्दा उनले श्रीमती रञ्जिता चौधरीलाई अध्यक्ष बनाएर निर्वाचन आयोगमा पार्टी दर्ता गराएका थिए।

तर पछिल्ला महिनाहरूमा सत्तासाझेदारीको विवाद र रेशम–रञ्जिताबीच बढ्दो मतभेदले नाउपा संकटमा परेको थियो। अन्ततः रेशमले नयाँ पार्टीको घोषणा गरेका छन्।हालै सम्पन्न जेनजी आन्दोलनलाई नैतिक समर्थन जनाएका रेशमले आन्दोलनले ल्याएको नयाँ राजनीतिक परिवर्तनसँगै आफूले पनि नयाँ बाटो रोजेको बताएका छन्।