सीटीईभीटी सुधार सात बुँदे सिफारिस मन्त्री पुन समक्ष।

भक्तपुर – शिक्षा विज्ञान तथा प्रविधि मन्त्री बनेका महावीर पुनलाई व्यावसायिक तथा प्राविधिक शिक्षा तथा तालिम परिषद् CTEVT सुधार गर्न सातवटा ठोस सुझाव पेश गरिएको छ ।

प्राविधिक शिक्षा क्षेत्रका विज्ञ, प्रशिक्षक तथा विद्यार्थी प्रतिनिधिहरुले नेपालमा व्यावसायिक शिक्षाको गुणस्तर र प्रभावकारिता बढाउन सुझाव दिएका हुन् । विज्ञहरुले शिक्षा मन्त्री पुनसँग प्राविधिक र व्यावसायिक शिक्षाको स्तरोन्नतिमा खास योगदान दिने अपेक्षा राखेका छन् । उनी स्वयम् नवप्रवर्तन, आविष्कार र सीप विकासका पक्षधर वैज्ञानिक भएकाले यस क्षेत्रमा दीर्घकालीन सुधार सम्भव हुने विश्वास गरिएको छ ।

सीटीईभीटी सुधारका सात सम्भावित सिफारिसहरू

1 पाठ्यक्रम अद्यावधिक र बजारमुखी बनाउने विद्यमान पुरानो पाठ्यक्रमलाई पुनरावलोकन गरी उद्योग, अस्पताल, प्राविधिक क्षेत्र तथा वैदेशिक रोजगारीसँग मेल खाने गरी अपडेट गर्ने।

2 व्यवहारिक तालिम र इन्टर्नशिप विद्यार्थीलाई अनिवार्य गराउने केवल सैद्धान्तिक पढाइमा सीमित नराखी प्रयोगात्मक तालिम र अनिवार्य इन्टर्नशिप सुनिश्चित गर्ने।

3 शिक्षकको क्षमता अभिवृद्धि तालिम, पुनःतालीम र गुणस्तरीय मूल्यांकन प्रणालीमार्फत अध्यापन गर्ने प्राविधिक शिक्षकलाई सुदृढ गर्ने।

4 परीक्षा र प्रमाणीकरण प्रणाली पारदर्शी बनाउने नकल रोकथाम, डिजिटल प्रणालीमार्फत परीक्षा, नतिजा प्रकाशन तथा प्रमाणपत्र वितरणमा पारदर्शिता सुनिश्चित गर्ने।

5 स्वीकृति(Affiliation) र नियमन कडाइ गर्ने निजी वा सामुदायिक संस्थालाई अनुमति दिँदा गुणस्तर मापदण्ड लागू गर्ने र अनुगमनलाई नियमित गर्ने।

6 उद्योगसँग सहकार्य बढाउने प्राविधिक शिक्षालाई रोजगारीसँग जोड्न उद्योग, उत्पादन क्षेत्र, अस्पताल र व्यवसायसँग ःयग् गरेर तालिम, तालिम–उपकरण र रोजगारी सहज बनाउने।

7 समान पहुँच र अवसर सुनिश्चित गर्ने ग्रामीण, पिछडिएका समुदाय र सीमान्तकृत समूहका विद्यार्थीलाई छात्रवृत्ति, अनुदान तथा प्रोत्साहन दिने।