जेनजी आन्दोलनका क्रममा फरार थुनुवा ललितपुरबाट पक्राउ ।

भक्तपुर – जेनजी आन्दोलनको क्रममा भागेका एक थुनुवा ललितपुरबाट पक्राउ परेका छन् । प्रहरीका अनुसार गत २३ र २४ भएको आन्दोलन बाट भागेका थुनुवा प्रहरी वृत्त सातदोबाटोबाट खटिएको टोलीले लुभुबाट आज पक्राउ गरेको हो ।

पक्राउ पर्नेमा सिरहाको धनगढीमाई नगरपालिका–१० घर भई ललितपुरको लुभु बस्ने २७ वर्षीय नवराज गिरी छन् । प्रहरीको नियन्त्रणबाट फरार भएका ती थुनुवालाई विशेष सूचनाको आधारमा पक्राउ गरिएको हो ।

थुनुवा पक्राउ पछि प्रहरीले थप अनुसन्धानका लागि आवश्यक प्रक्रिया पूरा गरी सम्बन्धित प्रहरी कार्यालयमा बुझाइएको प्रहरीले जनाएको छ । आन्दोलनका क्रममा भागेकाहरूलाई पक्राउ गर्न खोजी अभियान जारी राखेको र अन्य फरार व्यक्तिहरूलाई समेत छिट्टै नियन्त्रणमा लिइने जनाएको छ ।