आज राति दुई घण्टा बन्द हुने आँबुखैरेनी–मुग्लिन सडक ।

भक्तपुर – आँबुखैरेनी–मुग्लिन सडक खण्ड आज राति दुई घण्टाका लागि बन्द हुने भएको छ । सडक मर्मत तथा विस्तारका क्रममा पहिरो पन्छाउने र साइड सफाइका काम गर्नुपर्ने भएकाले राति १० बजेबाट १२ बजेसम्म सवारी आवागमन पूर्णरूपमा रोक्ने निर्णय गरिएको हो । आँबुखैरेनी गाउँपालिका–४ साँखरमा भूकम्प प्रतिरोधकता परीक्षणका लागि राति १२ बजेदेखि दुई बजेसम्म सडकखण्ड पूर्ण रूपमा बन्द हुने जिल्ला प्रशासन कार्यालय तनहुँले जनाएको छ ।

साँखरमा पहिरो नियन्त्रणका लागि भूकम्प प्रतिरोधकता परीक्षण अध्ययन गर्नुपर्ने भएकाले सडक बन्द गरिने कार्यालयका प्रशासकीय अधिकृत सिर्जना रेग्मीले जानकारी दिनुभयो । प्रहरीले यात्रुहरूलाई वैकल्पिक तयारीका साथ यात्रा योजना बनाउन अनुरोध गरेको छ। सो समयमा अत्यावश्यक सेवाका सवारी साधनलाई भने आवश्यक समन्वयपछि मात्र आवागमन गराइने बताइएको छ।