जेनजी आन्दोलनबारे प्रधानमन्त्री कार्कीको सक्रियता, आज त्रिपक्षीय बैठकको तयारी ।

भक्तपुर – प्रधानमन्त्री सुशीला कार्कीको आह्वानमा आज सरकार, जेनजी आन्दोलनका प्रतिनिधि र सम्बन्धित निकायबीच त्रिपक्षीय छलफलको तयारी भैरहेको छ । प्रधानमन्त्री कार्यालयका अनुसार छलफलमा सरकार, राजनीतिक दल र जेनजी प्रतिनिधिहरूको पनि सहभागी भएका छन् ।

सरकारले आउँदो फागुन २१ का लागि चुनावको घोषणा गरेको अवस्थामा आवश्यक वातावरण बनाउन र समसामयिक विषयमा त्रिपक्षीय छलफल केन्द्रित हुनेछ । जेनजी पक्षले विगतदेखि उठाउँदै आएका माग, विद्यार्थीमाथि भएको कारबाही र आन्दोलनको औचित्यबारे विस्तृत छलफल हुने अपेक्षा गरिएको छ।

प्रधानमन्त्रीको निवासमा दिउँसो ४ बजे हुने छलफलमा विघटित प्रतिनिधिसभामा प्रतिनिधित्व गरेका दलका प्रमुख एवम् प्रतिनिधि, सरकारका मन्त्रीहरु र जेनजी समूहका अगुवा एवम् प्रतिनिधि सहभागी हुनेछन् । सञ्चार तथा सूचना प्रविधिमन्त्री एवम् सरकारका प्रवक्ता जगदीश खरेलले चुनावलाई सफल बनाउन चरणबद्ध वार्ता र छलफल हुँदै आएको सन्दर्भमा आज त्रिपक्षीय बैठकको आह्वान भएको जानकारी दिनुभयो ।