सुनको भाउ २ हजार ७ सय रुपैयाँले बढ्यो ।

भक्तपुर – आज नेपाली बजारमा सुनको भाउमा उल्लेख्य वृद्धि भएको छ। नेपाल सुनचाँदी व्यवसायी महासङ्घका अनुसार शुक्रबार सुन तोलामा २ हजार ७ सय रुपैयाँले बढेको छ । महासङ्घले प्रकाशित गरेको तथ्यांकअनुसार आज सुन प्रतितोला मूल्य २ लाख ३९ हजार रुपैयाँ पुगेको छ ।

बिहीबार उक्त सुनको मूल्य २ लाख ३६ हजार ३ सय रुपैयाँ रुपैयाँमा कारोबार भएको थियो । त्यस्तै चाँदीको भाउ प्रतितोला ८० रुपैयाँ बढेको छ । अघिल्लो दिन चाँदीको भाउ प्रतितोला २ हजार ९८० रुपैयाँ रहेकोमा आज बढेर ३ हजार ६० रुपैयाँ पुगेको छ । अन्तर्राष्ट्रिय बजारमा अघिल्लो दिन मूल्य बढेपछि नेपाली बजारमा प्रभाव परेको हो ।