ढाकाका विभिन्न ठाउँमा विस्फोट, घटनापछि सुरक्षा व्यवस्थापनमा कडाइ ।

बङ्गलादेशको राजधानी ढाकामा शृङ्खलाबद्ध बम विस्फोटको घटना भएको छ । ढाका प्रहरीले ११ ठाउँमा विस्फोटका घटना भएको जनाएको छ । ढाकाका सार्वजनिक यातायात, धार्मिकस्थल तथा सरकारी कार्यालयलाई लक्षित गरी विस्फोट र आगजनीका घटना भएका सुरक्षा निकायलाई उद्धृत गरी त्यहाँका सञ्चार माध्यमले जनाएका छन् । शृङ्खलाबद्ध आक्रमणले ढाकाको जनजीवन पनि त्रसित बनेको छ ।

हिजो बेलुकादेखि ढाकाका विभिन्न ठाउँमा विस्फोट भएका थिए ।घटनापछि ढाका महानगर प्रहरीले प्रमुख सरकारी निकाय वरिपरि सभा–जुलुसमा प्रतिबन्ध लगाएको छ । नोभेम्बर १३ तारिख अर्थात् भोलि पूर्व प्रधानमन्त्री शेख हासीनाविरुद्धको मुद्दाको फैसला मिति तय छ । घटनापछि ढाकाको सुरक्षा व्यवस्थामा थप कडाइ गरिएको छ । प्रहरी मुख्यालयले सबै थानाहरूलाई गस्ती र निगरानी बढाउन निर्देशन दिएको छ ।