भक्तपुरको सम्पदाको भल्को दिने गरी गर्‍यो एमाले ११ औँ महाधिवेशनको तयारी ।

भक्तपुर – भक्तपुरको सम्पदाको भल्को दिने गरी एमाले ११ औँ महाधिवेशनको तयारीमा मल्लकालीन शैलीमा चाँगुनारायण मन्दिरको स्वरुपमा मञ्च निर्माण गरिएको छ । नेकपा एमालेको भोलिदेखि शुरू हुने ११औँ महाधिवेशनको उद्घाटन भक्तपुरको सल्लाघारी चौरमा गर्ने एमाले तयारी गरेको छ ।

महाधिवेशनका लागि देशभरबाट आएका प्रतिनिधिहरुको उपस्तिथिमा सल्लाघारीको चौरमा चहलपहल बढेको छ । मञ्चको दायाँबायाँ हिमाल झल्किने आकृति निर्माण गरिएका छन्ऐतिहासिक सांस्कृतिक सम्पदाले भरिपूर्ण भक्तपुरको सम्पदाको भल्को दिनेगरी मल्लकालीन शैलीमा चाँगुनारायण मन्दिरको स्वरुपमा मञ्च निर्माण गरिएको छ ।

उद्घाटनस्थलको मञ्चमा नेवारी कला, संस्कृति झल्कने दृश्य राखिएका छन् । उद्घाटनका दिन करिब तीन लाख व्यक्ति बस्न मिल्ने व्यवस्था गर्न लागिएको एमालेले जनाएको छ ।