सिनामंगलस्थित काठ गोदाममा आगलागी, आसपास क्षेत्रमा त्रास ।

भक्तपुर -काठमाडौँको सिनामंगलस्थित गैरीगाउँको एक काठ गोदाममा भीषण आगलागी भएको छ । आज दिउँसो अचानक आगलागी हुँदा गोदाममा ठूलो क्षति पुगेको छ। आगलागीको खबर पाएलगत्तै आगो नियन्त्रणमा लिन गएका दमकमल घटनास्थल पुगेको छ ।

त्रिभुवन अन्तर्राष्ट्रिय विमानस्थल आन्तरिक टर्मिनल प्रमुख गोपाल घिमिरेले अहिले धुवाँले उडानलाई अवरोध नगरेको बताउनु भयो । मंगलबार अपराह्न गोदाममा आगलागी भएको हो । आगलागीको सूचना प्राप्त हुनासाथ प्रहरी टोली घटनास्थलतर्फ परिचालन गरिएको छ । आगलागीको कारण खुल्न सकेको छैन ।

आगो पूर्ण रूपमा नियन्त्रणमा आएपछि क्षतिको विवरण र आगलागीको कारणबारे थप अनुसन्धान भई रहेको जिल्ला प्रहरी परिसर काठमाडौंका प्रवक्ता एसपी पवनकुमार भट्टराईले जानकारी दिए ।