कांग्रेसभित्र संवादको दबाबः २५ केन्द्रीय सदस्यद्वारा विशेष महाधिवेशन पक्षधरसँग वार्ता माग

भक्तपुर — नेपाली कांग्रेसभित्र देखिएको आन्तरिक विवाद समाधानका लागि विशेष महाधिवेशन पक्षधरहरूसँग वार्ता गर्न २५ जना केन्द्रीय सदस्यले पार्टी पार्टी सभापति शेरबहादुर देउवासँग उनीहरूको आग्रह छ ।केन्द्रीय सदस्यहरूले संयुक्त अपील जारी गर्दै पार्टीको एकता, अनुशासन र लोकतान्त्रिक मूल्य जोगाउन संवाद नै उपयुक्त उपाय भएको उल्लेख गरेका छन् ।

ललितपुरको कुपण्डोलमा आज बिहान भएको छलफलपछि विज्ञप्ति निकालेर ती केन्द्रीय सदस्यहरूले एकताबद्ध भइ परिणाममुखी वातावरण निर्माण गर्न नेतृत्व तहलाई अपील गरेका हुन् ।पार्टीले १५औँ महाधिवेशन आउँदो वैशाख २८ देखि ३१ गतेका लागि सारेपछि महामन्त्रीद्वय गगन थापा र विश्वप्रकाश शर्माले पुस २७ र २८ गते काठमाण्डौको भृकुटीमण्डमा विशेष महाधिवेशनको भेला बोलाउनुभएको छ ।

उनीहरूले पार्टीभित्र देखिएको असहमति लम्बिँदै जाँदा संगठन कमजोर हुने जोखिम रहेको भन्दै समयमै पहल गर्न नेतृत्वलाई सुझाव दिएका छन । अपीलमा विशेष महाधिवेशनको माग गर्ने पक्षका कुरा सुन्ने, छलफल गर्ने र सहमतिका आधार खोज्ने वातावरण निर्माण गर्नुपर्नेमा जोड दिइएको छ ।