बालेन शाहको कार्यक्रममा गएका ७ जनाको सिक्री चोरी, एक जना पक्राउ

भक्तपुर – राष्ट्रिय स्वतन्त्र पार्टी (रास्वपा) का नेता बालेन्द्र शाह बालेनको कार्यक्रममा बिहिवार सहभागी हुन अछामको साँफेबगरमा आएका सात जना महिलाको सुनको सिक्री चोरी भएको छ।

इलाका प्रहरी कार्यालय साँफेबगरका प्रमुख दान सिंह भण्डारीका अनुसार सात जनामध्ये एक जनाको सुनको सिक्री सहित चोरीमा संलग्न एक जना व्यक्तिलाई नियन्त्रणमा लिइएको छ। पक्राउ परेका व्यक्तिले महोत्तरी जिल्लाको स्थायी बासिन्दा भएको बताएको प्रहरीले जनाएको छ।

प्रहरी प्रमुख भण्डारीका अनुसार बाँकी महिलाहरूको चोरी भएका सुनका गहनाबारे अनुसन्धान भइरहेको छ भने घटनामा संलग्न अन्य व्यक्तिहरूको खोजी कार्य पनि तीव्र पारिएको छ।बालेन शाहको कार्यक्रममा ठूलो संख्यामा सर्वसाधारणको सहभागिता रहेको बेला चोरीका घटना भएको भन्दै प्रहरीले भिडभाड हुने कार्यक्रमस्थलमा सतर्कता अपनाउन सर्वसाधारणलाई आग्रह गरेको छ।