अस्पतालबाट डिस्चार्ज भए (रास्वपा) सभापति रवि लामिछाने

भक्तपुर -राष्ट्रिय स्वतन्त्र पार्टी (रास्वपा) सभापति रवि लामिछाने बिहिबार शिक्षण अस्पतालबाट डिस्चार्ज भएका छन्।
स्वास्थ्य अवस्था सुधार हुँदै गएको र अस्पतालमा भेटघाट गर्ने मानिसको भीड लागेपछि उनले घरमै आराम गर्ने भन्दै डिस्चार्ज मागेका हुन्।

उनलाई ‘सेलुलाइटिस’ भएपछि जोखिम नहोस् भनेर अस्पतालमा भर्ना गरिएको थियो।माघ ५ गते जनकपुरमा कार्यक्रमा सहभागि हुने क्रममा स्टेजबाट झर्न खोज्दा देब्रे खुट्टामा चोट लागेको थियो।कामको व्यस्तताले नियमित औषधि खान भ्याएनन् दुखाइ रोकिएन, घाउ सुन्निन थाल्यो खुट्टा रातो भयो ।घाउ निको हुनुको साटो सुन्निँदै गएपछि उनी अस्पताल गएका थिए।