कर्णालीबाट,नेता बालेन भने “कर्नालीका सुइना, अब हाम्मा सुइना”

भक्तपुर – राष्ट्रिय स्वतन्त्र पार्टी (रास्वपा) का नेता बालेन शाह (बालेन)कर्णाली प्रदेश पुगेका छन्। सुदूरपश्चिम प्रदेशको भ्रमण सकेर शुक्रबार डोटी र अछाम हुँदै उनी कर्णाली प्रदेश पुगेका हुन्।बालेन शुक्रबार साँझतिर कर्णाली प्रदेशको कालिकोट पुगेका थिए। कालिकोटको भ्रमणपछि फर्किने क्रममा उनले कर्णालीको भूगोल पृष्ठभूमिमा खिचिएको तस्बिर सामाजिक सञ्जाल फेसबुकमार्फत सार्वजनिक गरेका छन्।

उक्त तस्बिरको क्याप्सनमा बालेनले खस भाषामा लेखेका छन्—“कर्नालीका सुइना, अब हाम्मा सुइना”खस भाषामा लेखिएको उक्त वाक्यको अर्थ “कर्णालीका सपना अब हाम्रा सपना” भन्ने हुन्छ।बालेनको यो सन्देशलाई कर्णालीप्रति प्रतिबद्धता र साझा विकासको भावनाका रूपमा हेरिएको छ।

सामाजिक सञ्जालमा उनको उक्त अभिव्यक्तिलाई धेरैले सकारात्मक प्रतिक्रिया दिएका छन्। खस भाषाको प्रयोगमार्फत बालेनले स्थानीय पहिचान, भावना र आत्मसम्मानलाई जोड दिएको विश्लेषण गरिएको छ।