“७२ वर्ष भए पनि राजनीति छाड्दिनँ, अझै केही वर्ष भिड्छु”: प्रचण्ड

भक्तपुर -नेपाली कम्युनिस्ट पार्टी नेकपाका संयोजक तथा पुर्वप्रधानमन्त्री पुष्पकमल दाहाल प्रचण्डले आफू अझै केही वर्ष सक्रिय रहने बताएका छन्। ७२ वर्ष पुगे पनि आफूमा अझै केही गर्छु भन्ने जोश रहेको भन्दै उनले राजनीतिबाट आफू निष्क्रिय नहुने स्पष्ट पारेका हुन्।

शनिवार काठमाडौं सुकेधारामा आयोजित चुनावी कार्यक्रमलाई सम्बोधन गर्दै पूर्वप्रधानमन्त्रीसमेत रहेका संयोजक प्रचण्डले युवाहरुलाई भने प्रशस्त समय र अवसर रहेको बताए। ‘म ७२ वर्ष चलिराखेको छु र पनि अझै केही वर्ष भिड्छु भन्नेमा छुु, उनले भने, तपाईंहरु ४० वरिपरिकाले त प्रशस्त समय छ। अवसर आउँछ।’

एक मात्र प्रतिनिधि सभा निर्वाचन क्षेत्र रहेको सोलुखुम्बुमा नेकपाबाट असीम राई प्रत्यक्षतर्फका उम्मेदवार छन्। उनका लागि मत माग्दै प्रचण्डले विगतमा सोलुखुम्बुलाई विशेष रुपमा हेरेको र भविष्यमा पनि हेर्ने आश्वासन दिए।