बैतडीमा विद्युतीय हाइस दुर्घटना हुँदा, २५ बर्षीय चालकको मृत्यु

भक्तपुर –बैतडीमा विद्युतीय हाइस दुर्घटना हुँदा चालकको मृत्यु भएको छ । जिल्लाको दोगडाकेदार गाउँपालिका–३ स्थित सिल्लेगडा–बडिया कच्ची सडकखण्डको घोडेधार नजिक शनिबार राति साढे ९ बजे सुप प्र ०२–००१ ज ०६२४ नम्बरको इभी हाइस दुर्घटनामा परेको हो । दुर्घटनामा उक्त हाइसका चालक दोगडाकेदार–५ का २५ बर्षीय मदन ठगुन्ना घाइते भएका थिए ।

घाइते ठगुन्नालाई उपचारका लागि डडेल्धुरा अस्पताल लैजाँदै गर्दा बाटोमै मृत्यु भएको जिल्ला प्रहरी कार्यालय बैतडीले जनाएको छ । मृतकको शव डडेल्धुरा अस्पातलमा राखिएको छ । हाइसमा चालक मात्रै सवार रहेका बुझिएको छ । दुर्घटनाग्रस्त हाइस सडकबाट २५० मिटर तल खसेको छ ।यसअघि बिहीबारमात्रै बैतडीको पुर्चौंडीमा जन्ती बोकेको बस दुर्घटना हुँदा १३ जनाको मृत्यु भएको थियो भने ३७ जना घाइते भएका थिए । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।