निमार्ण कम्पनीले काम ढिलो गर्दा ,कुहिरोमण्डल काभ्रेको धुलिखेल सडक, सर्वसाधारणलाई सास्ती ।

बबिता परियार/ १० जेठ
भक्तपुर -१० बर्ष पुग्दा समेत निमार्ण हुन नसकेको सूर्यविनायकदेखि काभ्रेको धुलिखेलसम्म सडक विस्तारको काम अझै निमार्ण सम्पन्न भएको छैन् ।
घाम लागेको समयमा धुलो र पानी परेको समयमा हिलो हुँदा सवारी चिप्लिने, खाडल पर्ने जस्ता समस्याले सर्वसाधारणलाई सास्ती भएको बताएका छन् ।

३ वर्षभित्र बाटो बनिसक्नु पर्ने भए पनि समयमै काम हुन नसक्दा सर्वसाधारणले दुःख पाइरहेका छन् ।दैनिक हजारौँको संख्यामा आवतजावत गर्ने यो सडक अहिले कुहिरिमण्डल हुने गरेको छ । धुलोका कारण सडक छेउमा बसोबास गर्ने स्थानीयलाई स्वास्थ्य समस्या आइरहेको स्थानीयले गुनासो गरिरहेका छन् । साथै यो सडक खण्ड प्रयोग गर्ने सवारीलाई पनि निकै सकस हुने गरेको छ ।

अरनिको राजमार्ग निर्माण भएपछि यो सडक खण्डको स्तरोन्नति गर्ने कुरा २०७२ सालदेखि सुरु भएको भए पनि विभिन्न कारण र समस्याका कारण ढिलो गरि वि.सं. २०७९ देखि मात्रै काम सुरु भएको थियो । काभ्रेपलाञ्चोकको पूर्वी–दक्षिणी क्षेत्र बीपी राजमार्ग हुँदै आवागमन हुने सवारी काठमाडौँ–पूर्वी तराई गर्छन् ।
उत्तरी नाका तातोपानी पुग्न पनि यही सडक प्रयोग हुन्छ । सिन्धुपाल्चोक, रामेछाप, दोलखालगायतका विभिन्न ठाउँबाट आवतजावतका लागि यही सडक प्रयोग हुन्छ । सडक बिस्तार सम्पन्न भएपछि पनि चीनसँगको छोटो दूरीको नाका सिन्धुपाल्चोकको तातोपानी खुला भए यो सडकखण्डमा अझै सवारी चाप बढ्ने अनुमान गरिएको छ ।